Deri më tani, tre shtëpi, qindra hektarë kullotë dhe pemë frutore janë përfshirë nga flakët në zonën e Delvinës dhe Finiqit.
Mësohet se zjarri i madh ka rënë përgjatë aksit rrugor Qafa e Muzinës – Delvinë, duke i shkrumbuar banesat plotësisht. Nuk raportohet për dëme në njerëz, pasi pronarët e banesave ndodhen në emigracion. Po ashtu, rrezikohen edhe rreth 400-500 kokë bagëti.
Për shkak të terrenit të vështirë, zjarrfikësit thonë se po bëjnë të pamundurën për shuarjen e flakëve, ndërsa e vetmja mundësi duket të jetë ndërhyrja nga ajri.
