Në një prononcim për mediat, kryetarja e Këshillit Bashkiak të Shkodrës, Brisela Kadia, ka folur lidhur me vendimet që janë marrë në mbledhjen e PS.
Kadia tha se në mbledhje është marrë vendimi që të shkarkohen të gjithë drejtorët aktualë rajonalë. Po kështu, në poste publike në Shkodër do të vendosen njerëz të njohur në qytet, të cilët kanë aftësi profesionale dhe integritet.
Kadia shtoi se gratë dhe vajzat do të kenë prioritet, për të qenë në krye të drejtorive të Shkodrës.
“Është komunikuar që të japin dorëheqjen gjithë drejtorët. Në vendet vakande do të zgjidhen njerëzit më me integritet në qytetin tonë. Femrat do të kenë prioritet”, tha Kadia.
