Së fundmi është raportuar se Interi kërkon që të marrë edhe një tjetër sulmues në skuadrën e tij. “Calciomercato.com” raporton se tekniku Konte është në kërkim të një sulmuesi të fortë fizikisht. Ndërkohë, tekniku në fjalë e ka në mendje një emër.
Bëhet fjalë për sulmuesin e Spalit, Andrea Petanja, i cili në sezonin e fundit arriti të shënojë 17 gola për skuadrën e tij. Thuhet se drejtuesit e skuadrës nga Milano kanë folur me agjentin e lojtarit dhe kërkojnë të gjejnë një marrëveshje të përshtatshme pasi nuk duan të shpenzojnë shumë.
Megjithatë, problemi i vetëm mbetet Ikardi, i cili në rast se nuk largohet do të komplikonte situatën për afrime të tjera. Kujtojmë se Petanja ka qenë pjesë e Milanit në të kaluarën, teksa ka zhvilluar edhe 5 ndeshje me kuqezinjtë gjatë periudhës 2012-2014.
