Një ngjarje e rëndë u shënua mbrëmjen e djeshme në kryeqytet. Një person ka ndërruar jetë, si pasojë e të shtënave me armë zjarri. Bëhet fjalë për Santiago Malko, ish-punonjës policie, i cili u qëllua me breshëri plumbash, teksa ecte me automjetin e tij. Malko po ndiqej nga një furgon i bardhë dhe një mjet tjetër Mercedes Benz.
Ngjarja ka ndodhur në rrugën “Xhanfize Keko”, në Tiranë. Ndërsa mësohet se në kohën që ka ndodhur ngjarja, vendi ishte plot njerëz.
Viktima, ka qenë i përfshirë më herët në një konflikt me vëllezërit Vlashi, në vitin 2016. Në atë kohë, konflikti dyshohet të ketë ndodhur për shkak të një borxhi. Por, ndërhyrja në kohë e forcave të Policisë bëri të mundur neutralizimin e palëve të përfshira në përplasje.
Autorët e krimit të mbrëmshëm, mendohet se janë larguar në drejtim të fshatit Ferraj, ku dhe kanë djegur mjetin e tyre, tip “Mercedes Benz”.
