Detaje të tjera tronditëse janë zbuluar në lidhje me vrasjen e të riut Indrit Çela në Tiranë. Ngjarja dyshohet se është si pasojë e një sherri për vendosjen e kondicionerit. Ish-kryeministri Berisha, duke pasqyruar denoncimin e qytetarit digjital, informon se familja Kusi ka dhënë 50 mijë euro, për të manipuluar dosjen në fjalë.
Vëllezërit Kusi janë shpallur në kërkim për “Vrasje” në bashkëpunim dhe “Armëmbajtje pa leje”. Qytetari e njofton Berishën se vrasësi do të dorëzohet, dhe do cilësohet “vrasje pa dashje” nga shkrepja e armës.
Dy vëllezërit Griseldo dhe Albano Kusi nuk janë të panjohur për drejtësinë, pasi më herët janë hetuar, gjykuar dhe shpallur fajtor për “vrasje” dhe “kanosje”. Albano Kusi, në moshën 19-vjeçare ka vrarë kushëririn e tij, Shkëlqim Nozllin, dhe trupin e tij e la në Sauk. Në fund të shqyrtimit gjyqësor, Gjykata e ka shpallur fajtor atë dhe e ka dënuar me 8 vite burg. Viktima, siç rezulton nga dëshmia e Albano Kusit, ka shkuar në biznesin e këtij të fundit dhe i ka kërkuar makinën për të shkuar diku.
Pas debateve, ata kanë marrë një taksi, të afërmin e Kusit dhe janë nisur për në Kërrabë. Në një pjesë të rrugës, ai ka zbritur, ka vrarë me armë zjarri Shkëlqim Nozllin dhe është larguar. Ndërkohë, në po të njëjtin vit, edhe Griseldo Kusi është dënuar me 8 muaj burg, që i është konvertuar në shërbim prove, pasi ka goditur me qytë arme dhe ka kanosur një shtetas për t’i marrë lekët, që ai ia kishte borxh babait të tij, Bujar Kusi.
Në kërkim
- Albano Kusi, 28 vjeç, akuzohet për “Vrasje me dashje” në bashkëpunim, “Prodhimi dhe mbajtja pa leje e armëve”
- Griseldo Kusi, 31 vjeç, akuzohet për “Vrasje me dashje” në bashkëpunim, “Prodhimi dhe mbajtja pa leje e armëve”
Statusi i Berishës
Ja se si narkoshteti do mbroje vrasesin e Endrit Çeles!
Banda Kusi eshte bande vrasjesh dhe trafiqesh e Partise se Krimit.
50000 euro jane dhene qe narkopolicia dhe OPGj te manipulojne dosjen.
Vrasesi do te dorezohet dhe do cilesohet vrasje pa dashje nga shkrepja e armes.
Keto jane denoncimet e policit dixhital nga burgu i Fushe Krujes!
Lexoni mesazhin e tij. sb
Prsh zoti Berisha jam nje polic burgu i fushe krujes.sot pran ketij burgu erdhe grupi i Bujar kusit qe fshehu vrasjen e djemve te tij te punonjesit te kondicionierit. ne fakt njerzit po i vret drejtesia se cdo vrases qe ka vrare 2 a 3 here nuk ka bere me shum se 7 vite burg e ai vret te 4 in etj.po cpo ndodh Bujar kusi do lirohet se eshte arrit marreveshja qe te dorezohet djali e vrasja te konsiderohet si vrasje nga pakujdesia ne grindje e siper e arma beri shkrepje te pa vullnetshme e per keto si fillim jane paguar 50 mije euro qe opgj te bej dosjen. pra viktima i trete ne tok nga familja kusi eshte fajtor.
