Përmes një fotoje të publikuar në Instagram, moderatori i njohur Ardit Gjebrea ka zbuluar emrin e bukuroshes që do ta shoqërojë këtë vit në festivalin “Kënga Magjike”.
“U kry”, shkruan Gjebrea krahas fotos me modelen, Adrola Dushi, duke e bërë kështu zyrtare që do jetë bukuroshja nga Rrësheni, ajo që do jetë përkrah tij në edicionin e këtij viti.
https://www.instagram.com/p/B1KYASmHQZR/?utm_source=ig_web_copy_link
Vitin e kaluar, Arditi i cili është edhe producenti i këtij festivali e ndryshoi disi formulën e prezantimit në “Kënga Magjike”. Moderatorja Bora Zemani, e cila ishte e përzgjedhura e tij vitin e kaluar, prezantoi bashkë me Arditin këngët edhe në fazën e tyre të parë.
Kujtojmë që vetëm Andresa, e cila ishte edhe bashkëprezantuesja e Gjebreas tek “E diela Shqiptare” e ka bërë më parë këtë gjë, pasi të përzgjedhurat e Arditit, prezantonin vetëm në netët gjysmëfinale dhe në natën e madhe finale.
Nuk e dimë nëse Adrola Dushi do ketë fatin e Bora Zemanit, apo do jetë si prezantuese vetëm në netët finale të këtij edicioni.
