Pak ditë më parë, zv.kryeministri dhe ministri i Brendshëm i Italisë, Matteo Salvini firmosi dekretin për dëbimin e një shqiptari nga Kosova. Sipas tij, 43-vjeçari Muhamed Mekaca cilësohej si një person I rrezikshëm , pasi akuzohet si pjesëtar i një grupi islamik.
Nga na tjetër, 43-vjeçari shqiptar, ka mohuar që mbështet ndonjë organizatë ekstremiste, ndërsa theksoi se ai u dëbua nga Italia, pasi sipas tij, pushtetarët italianë janë racistë. Qeveria italiane ka dëbuar vetëm Mekacën, duke lënë në Itali gruan dhe tre fëmijët e tij.
“Mendoj se u dëbova se jam praktikues i fesë islame, e kemi xhaminë dhe në të gjendet qendra kulturore ‘Restelica’, nuk e di pse. Në dekretin e zëvendës kryeministrit italian është thënë se unë jam i rrezikshëm për qytetarët në Itali. Unë nuk jam i rrezikshëm, nuk i përkas asnjë organizate dhe nuk e përkrahi ISIS’in”, tha Muhamed Mekaca.
