Një person është gjendur i pa jetë në një kanal me ujë në Sarandë. Ngjarja ka ndodhur rreth orës 09:38, në vendin e quajtur “Kthesa e Valohovës” Bistricë.
Sipas një informacioni paraprak, Policia e Sarandës bën me dije se viktima është rreth moshës 45 vjeç, banues në Berat, ndërsa thekson se nuk ka shenja dhune apo dëmtime të tjera në trup.
Ndër të tjera, hidhen dyshime se viktima mund të ketë rënë aksidentalisht në kanalin me ujë, si pasojë e arrestit kardiak.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave.
