Data 24 gusht është dita e programuar për të nisur kampionati, mirëpo në kushtet që ndodhen klubet aktualisht, duket se është shumë e vështirë që të nisë gara.
Disa klube janë në kaos, duke mos përmbushur dot kriteret financiare për të marrë pjesë. Duke parë këtë situatë, Liga Profesioniste do të bëjë një mbledhje të jashtëzakonshme, në një nga hotelet e kryeqytetit, duke mos dashur ta zhvillojnë në zyrat e Federatës Shqiptare të Futbollit. Në këtë mbledhje do të kërkohet shtyrja e kampionatit, për shkak të kolapsit financiar. Gjithashtu do të bëhet dhe një kërkesë ndaj qeverisë për të miratuar ligjin për sponsorizimin, pasi sipas tyre në këto kushte është e pamundur të vazhdohet.
