Avokat Spartak Ngjela tha se kreu i Shtetit, Ilir Meta, do të tronditet nga drejtësia. Ai paralajmëroi për telashe të reja për Metën, teksa ka qenë i ftuar në studion e Report Tv.
Ngjela është i bindur se Meta do rigjykohet sërish për gjyqin e përgjimeve me Dritan Priftin, rregull të cilin e parashikon reforma e re në drejtësi. Sipas tij, kjo reformë do çojë para drejtësisë të gjithë politikanët që kanë pasur probleme me ligjin.
“Meta ka qenë i akuzuar, ka bërë gjyq për korrupsion. E ka fituar, por ligji i ri nuk e pranon. Të gjithë politikanët do rigjykohen sërish. Meta do rigjykohet për videon Meta-Prifti.
Ajo drejtohet nga të huaj. Të gjithë do shkojnë sërish para ligjit. Kur shkel ligjin, duhet të matesh mirë. Ai ka qenë në gjyq në momentet kur nuk ka funksionuar ligji”, tha Ngjela.
