Kryeministri Rama ka mbledhur sot drejtuesit e katër qarqeve të veriut në selinë e PS. Ai ka mbledhur në seli drejtuesit e Shkodrës, Kukësit, Lezhës dhe Dibrës, të cilëve i ka dhënë edhe disa porosi për vazhdimësinë e punës në Bashkitë përkatëse pas zgjedhjeve të 30 Qershorit.
Mësohet se Rama u ka kërkuar atyre që të marrin masat, për të mos lejuar largimin nga puna të asnjë gruaje dhe vajze në Bashkitë që deri më sot janë drejtuar nga e djathta. “Çdo vendim të merret në bazë të meritës, dhe duhet të tregohet kujdes sidomos me Bashkitë që drejtohen momentalisht nga opozita”, mësohet të ketë thënë Rama.
Disa nga porositë e Ramës:
Kujdes me emërimet dhe shkarkimet në Bashkitë e djathta.
Në Bashkitë e djathta nuk do të hiqet asnjë vajzë ose grua nga puna.
Asnjë shkarkim i pajustifikuar, çdo lëvizje me arsye konkrete.
Vëmendja e duhur në konstituimin e këshillave të qarqeve.
