Një 18-vjeçare është sulmuar, pasi refuzoi një djalë i cili po e ndiqte nga pas në Manchester, Angli. Gabrielle Walsh, së bashku me një mik ishin duke dalë nga një klub. Në atë moment i afrohen tre djem, të cilët e ngacmonin me fjalë. Të rinjtë u larguan prej tyre, por ata vazhdonin t’i ndiqnin. 18-vjeçarja i kthehet dhe i thotë se nuk është e interesuar.
Por, komenti i saj bëri që djemtë të acaroheshin dhe të bëheshin të dhunshëm.
“Ata ishin duke na ngacmuar pa ndalim. Edhe pse unë dhe shoku ime, filluam të nxitonim ata na kapën. Dhe pa e kuptuar unë e gjej veten në tokë dhe me gjak. Ata sulmuan edhe mikun tim. Më pas na lanë të dyve në tokë dhe u larguan.”
Gabrielle shprehet se kjo ngjarje ka bërë që të jetë e frikësuar për të dalë në qytet vetëm.
“Unë nuk jam njeri i pasjellshëm apo e egër. Unë thjeshtë i thashë, ‘më fal, por nuk jam e interesuar’. Dhe në asnjë moment nuk e kuptova pse ai reagoi në atë mënyrë. Ndoshta u ndje i ofenduar që e refuzova para shokëve. Veç faktit që syrin e kam ende në gjendje të rëndë, e gjitha kjo më ka trembur shumë.”
E reja ka bërë denoncimin para autoriteteve, të cilët shprehen se kanë nisur kërkimet për identifikimin e sulmuesve./ Burimi: Daily Mail Përshtati: TIRANA TODAY
