Ish-deputeti i Partisë Demokratike, Bardh Spahia pritet të dalë ditën e nesërme para Gjykatës së Apelit në Shkodër, për shqyrtimin e masës së sigurisë, pas përplasjeve në KZAZ-në e Shkodrës me qëllim për të penguar zhvillimin e zgjedhjeve vendore të 30 qershorit.
Ndërkohë, kolegët e tij italianë, nëpërmjet një postimi në rrjetet sociale kanë publikuar një foto ku shkruajnë “Bardh, jemi me ty”.
“Mirënjohje e thelle për koleget e mi kirurge te Ospedale Maggiore di Crema, Itali. Grazie mille ragazzi. A presto”, shkruan Spahia.
Ish-deputeti demokrat, i cili përveç politikan, është po ashtu edhe mjek kirurg, ndodhet aktualisht nën masën e sigurisë “Arrest shtëpie”.
