Kryebashkiaku i ri i Kolonjës, Erion Isai, do ti përkushtohet me kohë të plotë politikës, duke lënë në harresë aktrimin. Në këtë rrugëtim të ri që ka nisur, ai nuk mund të harronte të shprehte falenderimet, ndaj kujtdo që e ka ndihmuar në rrugën e tij artistike.
Isai ka veçuar regjisorin e ‘Portokallisë’, Altin Bashën, Ardit Gjebrean dhe Bes Kallakun, duke u shprehur se puna me ta e ka bërë njeri më të mirë. Ndër të tjera, aktori i humorit sqaron me anë të një statusi në Facebook se nuk do të ketë angazhim artistik gjatë sezonit të ri, e ndërsa lejen do ta shfrytëzojë për teatër.
Statusi
Faleminderit që më ndriçuat!
Janë njerëzit që kanë shenjuar rrugën time artistike që 15 vjeç. Me zemër faleminderit!
Për të veçuar Altin Bashën, për të artën mundësi, Portokallinë, dhe Ardit Gjebrea për besimin e skenarit dhe bashkëpuntorit të kënga magjike, dhe E diela Shqiptare. E sigurisht kolegun, vëllain tim, prej 12 vjetësh, Bes Kallakun!
Unë nuk do të kem angazhim artistik në televizion në sezonin e ri (ndërsa lejen vjetore sigurisht që do ta shfrytëzoj për teatër) . Nuk e di nëse vërtet puna e përkushtimi im ka qenë këto vite më e mira, por di se puna me këta njerëz më ka bërë më të mirë!
