Festivali i Eurovisionit nuk do të zhvillohet vitin e ardhshëm në kryeqytetin e Holandës. Këtë e bëri të ditur vetë kryebashkiakja e Amsterdamit, Femke Halsema, e cila deklaroi se shkak është arena “Ziggo Dome”, ku ishte planifikuar të zhvillohej festivali, pasi, sipas saj është i prenotuar dhe nuk mund të lirohet.
Për rrjedhojë, është hapur gara mes pesë qyteteve të tjera. Bëhet fjalë për Rotterdam, Utrecht, Den Bosch, Arnhem dhe Maastricht. Ndërkaq në muajin gusht do të zbulohet edhe qyteti fitues, ku do të zhvillohet “Eurovision 2020”.
Kujtojmë se Holanda doli në vend të parë në Eurovision 2019, ku u përfaqësua nga këngëtari Duncan Laurence.
