Analisti i njohur Andi Bushati mbrëmjen e sotme ishte i ftuar në emisionin “Të paekspozuarit” në “News 24” prej ku theksoi se më datë 30 qershor socialistët dështuan.
“Më 30 qershor për socialistët ishte një dështim. Pse ishte dështim. Ne këtu ishim që njëra palë thoshte që nuk shkohet në zgjedhje moniste. Rama tha se në këto zgjedhje duhet shkuar kundër Berishës, Bashës, Monikës dhe Metës. Rama donte të thoshte që duhet paguar kundër 4 njerëzve që janë kazan, që paguhen nga rusë. Kryeministri vuri bastin se do mbajë zgjedhje që të tregoj se populli nuk do këta opozitarë. E zëmë se ka shkuar administrata e PS. Basti i Ramës se unë do bëj zgjedhje për shqiptarët kundër katërshes nuk doli. Rama shkoi drejt sistemit monist”, tha Bushati.
