Ylli argjentinas, Messi ka shpërthyer në akuza ndaj gjyqtarëve, pas humbjes së skuadrës së tij kundër Brazilit në ndeshjen kualifikuese për finalen e Copa America.
Ai është shprehur se nuk po përpiqet të gjejë alibi për të justifikuar rezultati por që vendimi i gjyqtarëve sipas tij ishte absurd.
“Nuk dua të gjej alibi por arbitrimi ishte absurd. Episode të qarta për ne as që u panë në VAR. Shpresoj që CONMEBOL, Konfederata e Amerikës se Jugut, të bëj diçka edhe pse këtu në Brazil kontrollohet dhe manipulohet gjithçka”, ka deklaruar ylli i futbollit.
Lionel Messi më pas është munduar të qetësojë tifozët argjentinas duke iu bërë të ditur se nuk ka ndërmend të tërhiqet nga përfaqësuesja.
“Nëse do të më duhet ti ndihmoj në një mënyrë apo në një tjetër do të vazhdoj ta bëj, ndihem mirë në këtë grup. E nisëm keq por pak nga pak u përmirësuam. Kundër Brazilit ishte ndeshja më e mirë që kemi zhvilluar në Kupën e Amerikës, kundër një rivali të madh. Ata kanë lojtarë spektakolarë po përtej rezultatit dëshmuam se jemi në lartësinë e duhur”, tha Messi.
Argjentina humbi 2-0 gjatë ditës së sotme duke i hapur rrugën Brazilit, për në finalen e madhe të Copa America.
https://www.youtube.com/watch?time_continue=100&v=RfiwU4PfPEw
