Adriatik Zotkaj merr sot mandatin e pestë në krye të Bashkisë së Poliçanit duke thyer kështu një rekord. Ai do të vijojë të drejtojë Poliçanin edhe për 4 vite të tjera, pasi ka arritur të marrë edhe një herë fitoren me 4681 vota.
Zotkaj e drejton bashkinë e Poliçanit prej 15 vitesh rishtas tashmë, që nga koha kur u zgjodh kryetar bashkie për herë të parë në vitin 2004. Ai mban edhe titullin “Qytetar Nderi” dhe nga sot ai bëhet një ndër kryebashkiakët më jetëgjatë. Kujtojmë që në zgjedhjet e fundit lokale të vitit 2015, ai fitoi me 72.46% të votave.
Gjithashtu, disa kandidatë të tjerë të PS kanë arritur të marrinë mandatin e tretë. Të tillë janë kryebashkiaku i Lushnjës, Fatos Tushe, dhe ai i Himarës, Jorgo Goro. Të dy këta kryebashkiakë do të drejtojnë edhe për katër vite të tjera nën siglën e PS, duke u bërë kështu drejtues të këtyre bashkive për 12 vite me radhë.
