Një aksident ka ndodhur në Drenas të Kosovës, ku një makinë ka goditur trenin i cili ishte në lëvizje.
Ngjarja ka ndodhur në fshatin Dobrashevc të Drenasit, dhe nga fotot e siguruara nga Gazeta Express shihet një makinë e tipit BMW, e cila ka goditur trenin nga anash. Fatmirësisht, nga ky aksident nuk ka pasur viktima por raportohet që ka pasur persona me dëmtime të lehta.
Mësohet se policia ka shkuar në vendin e ngjarjes dhe po heton rastin.
