“Shqiptarët janë duke votuar si në asnjë zgjedhje tjetër që kur vendi doli nga komunizmi”. Kështu e nis shkrimin prestigjiozja BBC referuar zgjedhjeve vendore që janë duke u zhvilluar në vendin tonë. Në artikull ndër të tjera shkruhet për situatën e vështirë dhe krizën politike që ka përfshirë Shqipërinë prej disa muajsh tashmë. Duke vënë theksin se këto janë zgjedhjet e para që zhvillohen në kushte aspak normale.
Edhe pse në disa prej protestave të opozitës nuk kanë munguar tensionet apo dhuna, ditën e sotme gjithçka ka shkuar shumë qetë. Pavarësisht se dhe pak orë mbeten nga përfundimi i afatit për të votuar, sërish pjesëmarrja është e ulët.
Pjesë nga artikulli
Çfarë po ndodh sot?
Votimi është duke ecur përpara, edhe pse kritikët nuk i quajnë ato zgjedhje normale, nisur nga mungesa e konkurrencës.
Ndërkohë disa kryebashkiakë lokalë kanë shfrytëzuar gjithçka që kanë pasur në dorë për të ndaluar përdorimin e ambienteve publike.
Mbështetësit e tyre janë përballur me policinë dhe në disa raste i vunë zjarrin fletëve dhe kutive të votimit. Kreu i Demokratëve Lulzim Basha ka qenë nën presion ndërkombëtar për të qetësuar militantët e vetë dhe distancuar nga dhuna. Ndaj edhe në prag të së dielës, ai i kërkoi mbështetësve të qëndrojnë larg dhunës.
Në mënyrë të pa mëshirshme Kryeministri Rama e ka tallur atë, presidentin dhe Kryemadhin e cila tani drejton partinë e dytë më të madhe opozitare në vend.
Që nga zgjedhjet e 1991, një vit pas rënies së komunizmit, të gjitha janë kundërshtuar nga humbësit. Por, këtë herë opozita shqiptare mori hapin e paprecedentë për të dorëzuar mandatet e tyre parlamentare në bllok.
Edhe pse kjo taktikë duket se i është kthyer si bumerang. Pasi ata shpresonin të prishnin punën e parlamentit dhe detyronin qeverinë të tërhiqej. Por, kjo gjë nuk ndodhi.
Ka shpresa për pajtim?
Me shumë gjasa, jo. Tradicionalisht fituesit e zgjedhjeve në Shqipëri kanë një qasje se “fituesi i merr të gjitha”. Dhe shpesh opozita i ka parë protestat e rrugës të përcjellin atë që diskursi parlamentar dështon.
Diplomatët perëndimorë janë përpjekur të ndërmjetësojnë për të siguruar që i gjithë procesi zgjedhor i të dielës të mos shoqërohet me dhunë./ Burimi: BBC Përshtati: TIRANA TODAY
