3 persona kanë përfunduar në pranga në Mallakastër, ndërkohë është shpallur në kërkim nënkryetari i Bashkisë.
Policia e Mallakastrës ka vënë në pranga 2 punonjës të Bashkisë dhe rojën e një shkolle në qytetin e Ballshit, për veprën penale “Pengimi i subjekteve për zgjedhjet në organet përfaqësuese” e kryer në bashkëpunim. Po ashtu është shpallur në kërkim nënkryetari i Bashkisë Mallakastër Haredin Serjani.
Specialistët për Hetimin e Krimeve në Komisariatin e Policisë Mallakastër kanë arrestuar në flagrancë 3 shtetasit: D.D, 57 vjeç, banues në Ballsh (shofer i Bashkisë Mallakastër); E.I, 39 vjeç, banues në Ballsh (punonjës i Bashkisë Mallakastër); N.K, 58 vjeç, banues në Ballsh (roje shkolle).
