Kreu i Partisë Demokratike ka reaguar pas vendimit të Këshillit të Ministrave për të shkarkuar nga detyra ktryebashkiakun e Vaut të Dejës, Zef Hilën. Sipas kryedemokratit kjo ishte një hakmarrje personale e Edi Ramës, dhe djegia e shkollës “Ndre Mjeda” një natë më parë në Bushat ishte një skenar i hartuar nga vetë ai dhe Tom Doshi për të çuar në përplasje civile.
“Është hakmarrje personale politike, kundër një përfaqësuesi të ligjshëm, të denjë të njerëzve. Është vendim personal i Edi Ramës që përdor Këshillin e Ministrave si fasadë”, tha Basha.
Basha u bëri thirrje demokratëve dhe të gjithë qytetarëve që të mos bien preh e planeve burracake të Edi Ramës, pasi atij po i vjen fundi.
“Edi Rama ka shkarkuar sot Zef Hilën kryebashkiakun e Vaut të Dejës.
Është hakmarrje personale politike, kundër një përfaqësuesi të ligjshëm, të denjë të njerëzve. Është vendim personal i Edi Ramës që përdor Këshillin e Ministrave si fasadë, dhe mercenarin Sandër Lleshi, një njeri i pa zgjedhur, i pa votuar, pa asnjë përfaqësim, për ta ndërsyer kundër njerëzve dhe opozitës.
Nuk ka asnjë motiv dhe nuk ka asnjë arsye për shkakrimin e tij. Zef Hila nuk ka qenë as fizikisht dhe në asnjë mënyrë tjetër i përfshirë në incidentin e djeshëm në Vaun e Dejës. Shkarkimi është një akti kriminal i një autokrati të kriminalizuar që tani po përdor forcën e pushtetit vetëm për të mbrojtur bashkësundimin e tij me krimin
Zef Hila një burrë i matur, kurajoz, ai nuk bie në planet burracake të Edi Ramës. Ajo që ndodhi në Vaun e Dejës ishte një plan i organizuar nga Rama dhe Tom Doshi. Po krijon plane kriminale për të sjellë viktima, sepse ai këtë do. Iu bëj thirrje të gjithë anëtarëve të PD dhe qytetarëve, mos bini preh e provokimeve të Edi Ramës për të krijuar konflikt. Ne e ditë çfarë duam dhe shumë shpejt do të arrijmë atë që duam. Rama dhe planet e tij do të marrin fund shumë shpejt”, u shpreh Basha.
