Mesazhet ngacmuese me një modele bukuroshe, i kanë kushtuar shtrenjtë futbollistit të Egjiptit, Amr Warda. Ky i fundit është përjashtuar nga Kombëtarja, për shkak të sjelljes së tij dhe akuzave për ngacmim seksual. Lajmin e ka raportuar Federata Egjiptiane e Futbollit, me anë të një njoftimi zyrtar.
Gjithçka kishte nisur me dërgimin e disa mesazheve të papërshtatshme në adresë të modeles Merhan Keller, në Instagram. Futbollisti fillimisht kërkonte të krijonte raporte romantike, por kur ishte refuzuar, ai ishte bërë agresiv.
Siç duket, ky nuk ka qenë rasti i vetëm, pasi modelja ka publikuar edhe akuzat e disa femrave të tjera që pretendojnë se kanë marrë mesazhe nga Warda.
