Mbrëmjen e djeshme u zhvillua ndeshja midis kombëtares sonë dhe Moldavisë për eliminatoret e kampionatit evropian, e cila u mbyll me rezultatin 2-0 për Shqipërinë.
Në konferencën për shtyp që parapriu ndeshjen me Moldavinë për mediat kanë dalë trajneri Edi Reja dhe kapiteni i kuqezinjve, Elseid Hysaj i cili rrëmbeu të gjithë vëmendjen.
Nuk ishte ajo çfarë ai tha, por çfarë ai mbante veshur ajo që i la të gjithë pa fjalë. Shkodrani i cili aktivizohet te Napoli mbante të veshur një orë të markës zviceriane “Audemars Piguet”, të zbukuruar me flori të bardhë dhe diamante, e cila kushton plot 190 mijë dollarë.
Pjesa e parë e ndeshjes Shqipëri-Moldavi u mbyll me rezultatin 0-0. Goli i parë erdhi nga Sokol Cikalleshi dhe më pas goli i dytë i cili përcaktoi gjithçka, erdhi në minutat shtesë ’92 afër përfundimit të ndeshjes nga Ylber Ramadani.
Kjo ndeshje ishte hera e katërt që Shqipëria dhe Moldavia vihen përballë njëra-tjetrës.
Bilanci mbetet akoma në favorin tonë, pasi në 3 sfidat e mëparshme kombëtarja jonë numëron 2 fitore dhe 1 barazim.
