Pak ditë më parë u nda nga jeta futbollisti spanjoll, Hoze Antonio Reyes, si pasojë e një aksidenti me makinë teksa ishte duke lëvizur me një shpejtësi jashtë normave. Reyes ishte në moshën 35-vjeçare dhe ishte në fundin e karrierës së tij, ndërsa më parë ishte aktivizuar për ekipe si Arsenali, Sevilla, Atletico Madrid dhe Real Madrid.
Ndërkohë, të gjithë njerëzit e futbollit në Spanjë u solidarizuan me ndarjen nga jeta të ish-sulmuesit, ndërsa presidenti i Real Madrid ka bërë premtimin se do të kujdeset për djalin e Reyes derisa sa të mbushë 18-vjeç.
Djali i Reyes është në moshën 11-vjeçare dhe është pjesë e akademisë së Leganes, por nga sezoni ardhshëm do të bëhet pjesë e kanteras së ‘Los Blancos’, teksa tashmë do të ketë mbështetjen e presidentit për të vazhduar ëndrrën e tij. Një gjest i madh i Perez, për djaloshin që do të përfaqësojë ngjyrat e Realit, me shpresën për të luajtur edhe ai me madrilenët, si i ati i tij.
