Formimi i pikave të bardha dhjamore në lëkurë është një ‘fenomen’ i zakondshëm. Ato mund t’i shfaqen kujtdo, pavarësisht moshës apo llojit të lëkurës, dhe janë në të vërtetë shumë të zakonshme tek foshnjat.
Në dermatologji quhen milia, dhe nuk janë gjë tjetër veçse kiste të vogla të mbushura me keratin dhe formohen si pasojë e paaftësisë së qelizave të lëkurës për ta përhapur natyrshëm keratinën. Këto favorizohen nga ekspozimi në diell, dhe bllokimi i poreve nga grumbullimet e produkteve kozmetike apo të kujdesit të lëkurës. E dini se si mund t’i trajtohen në kushte shtëpie?
Provoni një krem me acid glikolik dhe retinol, përbërës që promovojnë qarkullimin qelizor. Nëse keni lëkurë të ndjeshme, duhet të siguroheni që këto produkte nuk ju shkaktojnë acarim. Duke qenë se këto pika të bardha favorizohen nga dielli, duhet të përdorni gjithmonë krem mbrojtës. Shmangni produktet komedogjenike të cilat bllokojnë poret e lëkurës.