Paolo Skaroni, pas mbylljes së sezonit, është rikthyer të flasë për të ardhmen e Milanit. Në “Radio Monte Carlo”, presidenti tha:
“Tifozët nuk e kanë të lehtë dhe është normale që të mos ndihem mirë, por nuk jam dakord me këtë pesimizëm që karakterizon ambientin. Duhet të jemi realistë dhe të pranojmë politikën e “Elliott” dhe Ivan Gazidhis. Situata vërtet nuk është optimale, por nuk shoh arsye që klubi duhet të përkeqësohet në rezultate”. Skaroni predikon jo vetëm optimizëm, por edhe besim nga pronarët amerikanë të “Djallit”.
“Tashmë, të gjithë hallkat e klubi e njohin projektin e ‘Elliott’-it. Gazidhis ka qenë i qartë me të gjithë dhe deri në provë të kundërt, meriton mbështetje. Nuk jam në favor të kritikave të parakohshme, ndaj aktualisht nuk ka asnjë arsye për të menduar negativisht apo për të mos pasur besim te bordi drejtues. Megjithëse janë një fond që merren me shitblerje kompanish, ‘Elliott’ nuk ka kurrfarë interesi të shohë Milanin të humbë vlerën në treg. Ata duan ta shesin klubin, ndaj do të bëjnë maksimumin për t’i rritur vlerën.”
