Akademiku Mark Marku është përshirë në një debat mbrëmjen e djeshme me deputetin e Partisë Socialiste, Ervin Bushati.
I ftuar mbrëmjen e djeshme në emisionin “Byro Politike”, Marku deklaroi se Rama ka dhënë urdhër që deputetët të festojnë pas rekomandimit për hapjen e negociatave për Shqipërinë me BE, teksa po diskutonin për progres-raportin e KE-së.
Ndërkohë, deputeti socialist është përgjigjur duke thënë se nuk do të shkonte më në të njëjtën studio me Markun, për shkak të gjuhës jo etike që ai përdor.
Debati i plotë:
Marku Marku: E shikoni që jetojmë në dy realitete të ndryshme. Është një gazetare që ka 20 vjet e atashuar atje.
Ervin Bushati: Mos u merr me integritetin e asaj, shumë e mirë është ajo.
Mark Marku: Juve nuk ju pëlqeu.
Ervin Bushati: Si nuk na pëlqeu. Unë e njoh dhe më pëlqen shumë ku e di?
Mark Marku: Se juve ju jep urdhër Rama dhe kërceni nuk kërcen gjithë bota se ju jep urdhër Rama se jeni deputetë.
Ervin Bushati: Zoti deputet vazhdoni me argument.
Mark Marku: Ju keni festuar vjet do festoni dhe sivjet, më falni, por deputetëve dhe m*t po t’ju jepnin e hani ju. Me kështu deputetë jemi që po të jetë ai entuziast ju duhet të jeni entuziast.
Ervin Bushati: Keni qenë vetë deputet është turp të flisni kështu.
Mark Marku: Turp është për ju se ajo gazetarja është në terren dhe nuk punon te televizioni i Edi Ramës. Progres raporti ka qenë dhe vjet. Po tallni menderen me shqiptarët. Sivjet e reja është jo që thotë gazetarja se është në institucionet e BE-së dhe nuk bëjnë gallatë. E dinë që problemi është krimi dhe korrupsioni. Ta kanë thënë të gjitha shtetet. Na thirr ne të katërve në Qershor dhe do e shikoni…
Ervin Bushati: Jo me këtë gjuhë nuk vij. Kemi fëmijë ne që shohim. Nuk e di çfarë eksperience ke pasur te PD-ja, por nuk jemi njësoj.
Mark Marku: Këtu konsiderohet tradhti kombëtare se nuk bëhesh entuziast se Rama ka dhënë urdhër që të festohet.
