Sa herë që një futbollist me origjinë shqiptare shkëlqen në arenat europiane, një gëzim i madh përfshin edhe sportdashësit shqiptarë. Kjo për arsyen sepse flitet për krenarinë dhe jehonën e shtetit tonë, që merr më shumë falë suksesit të sportistëve.
Ashtu si edhe në rastin e Xherdan Shaqirit, që tashmë ndodhet në finalen e “Champions League”. Tifozët shqiptarë krenohen se një lojtar nga këto treva, ka arritur në majën më të lartë të suksesit. Por ky futbollist përfaqëson Zvicrën dhe për të gjithë personalitet sportive në Europë, Shqipëria dhe Kosova nuk figurojnë askund kur flitet për lojtarin e Liverpool.
https://twitter.com/AnfieldHQ/status/1133622404952010752
Trajnerit Klopp i është treguar një fotografi e Shaqirit kur ishte i vogël në konferencën e sotme për shtyp, ndërsa trajneri u shpreh: “Unë mendoj se ai është nga Zvicra. Duhet të jetë Shaq(Shaqiri). Çfarë lojtari dhe ambasadori i mrekullueshëm për shtetin e tij. Të gjithë mendojnë se nuk e fus mjaftueshëm në lojë, por ka qenë shumë i rëndësishëm për ne”, ka thënë Klopp.
