11 vite më parë humbi jetën themeluesi i Top Media, Dritan Hoxha. Në këtë ditë, vajza e tij, Sara ka vendosur që t’i dedikojë publikisht disa fjalë mjaft prekëse, ndërsa tregon se pasi është bërë nënë, tashmë ajo po e sheh jetën në një mënyrë më pozitive.
Sara tregon edhe një zakon tashmë të familjes Hoxha, që është lënia bosh e një karrige në çdo rast që ata mblidhen, si për të thënë se Tani është me ta.
Ajo ka publikuar foton e një karrigeje bosh nga dasma e saj, ndërsa fjalët që shkruan janë vërtet prekëse:
“Për 11 vitet e kaluara, të gjithë ne kemi pasur karriget bosh me shpresën për të të mbajtur ty prezent. Asnjë nga këto nuk është e nevojshme. Ti je në mendimet e mia çdo mëngjes, çdo herë që shoh djalin tim dhe çdo herë që flas me motrat apo mamin, duke dëshiruar që të ishe aty për të na udhëhequr. 11 vite më parë ti e theve zemrën time dhe vetëm pasi jam bërë prind po mësoj se si t’i ngjis ato copa së bashku. Një gjë që unë besoj është se ti e dërgove London te unë dhe më dhe një shans për ta parë jetën në një mënyrë më pozitive. Çdokush që ka humbur një prind e di që dhimbja do mbetet gjithnjë aty, gjithsesi mësoni të përballoni dhe të jetoni me kujtimet e tyre”, shkruan Sara.
