Madonna ka performuar si e ftuar speciale në “Eurovision”. Pjesëmarrja e saj bëri bujë, pasi nuk kishte nënshkruar kontratë për këtë performancë.
Mirëpo, vetëm dy ditë para finales, Madonna arriti marrëveshje me përfaqësuesit e “Eurosong”.
Mbretëresha e pop-it bëri paraqitje mahnitëse mbrëmë në skenën e “Eurovision’. Përveç zërit, Madonna mori vëmendje edhe për ‘look-un’, e saj.
Shfaqja vjen pak para publikimit të albumit të saj të ardhshëm “Madame X”, që do të dalë më 14 qershor.
https://youtu.be/UHIbjuZ22ck
Pas performancës ajo u shpreh “Muzika i bën njerëzit të afrohen bashkë”, duke cituar disa vargje shumë te njohura nga hiti i saj “Music”. Gjithashtu iu drejtua konkurrentëve: “Ju të gjithë jeni fitues”.
