Ministria e Mbrojtjes bën me dije se të mërkurën, rreth mesditës, në Aeroportin “Nënë Tereza”, pritet të mbërrijë me avion ushtarak trupi i pajetë i major Klodian Tanushit, i rënë në krye të detyrës në misionin e NATO-s në Letoni.
Homazhet në nder të major Tanushit do të mbahen ditën e enjte, datë 16 maj.
Sot u zhvillua dhe ceremonia në nder të major Tanushit në grup-batalionin e NATO-s, në bazën Adazi, ku shërben kontingjenti shqiptar.
