Protesta e opozitës para Kryeministrisë është përshkallëzuar në përdorimin e bombave molotov dhe mjeteve të shumta piroteknike. Deri më tani bilanci i të dëmtuarve është 3 efektivë policie dhe dy protestues.
Për situatën e krijuar në protestë ka reaguar edhe kryeministri Rama, i cili ka ironizuar liderin e opozitës, Lulzim Basha duke thënë se me zërin e ikur i thotë qeverisë “Aman ik!”.
“Çfarë trishtimi një lider opozite që me zë të ikur i thotë qeverisë “Aman ik!”,ndërkohë që ata rrotull tij hedhin zjarr mbi godinën e saj! Uroj që kujt vete ende pas kësaj politike qorre, t’i jetë hapur sonte syri nga zjarri që qeverisë s’ka ç’i bën,po Shqipërisë i bën veç dëm?”
Çfarë trishtimi një lider opozite që me zë të ikur i thotë qeverisë "Aman ik!",ndërkohë që ata rrotull tij hedhin zjarr mbi godinën e saj! Uroj që kujt vete ende pas kësaj politike qorre, t'i jetë hapur sonte syri nga zjarri që qeverisë s'ka ç'i bën,po Shqipërisë i bën veç dëm👎 pic.twitter.com/OzGBHS2zpM
— Edi Rama (@ediramaal) May 11, 2019
