Presidenti Meta është takuar me Përfaqësuesen e Lartë të Bashkimit Europian, Federica Mogherini. Lajmin e bën të ditur presidenti, nëpërmjet një postimi në Facebook, ku shkruan se pavarësisht sfidave, integrimi europian është e vetmja rrugë përpara.
“Kënaqësi të takohem me Përfaqësuesen e Lartë të Bashkimit Europian, Federica Mogherini. Pavarësisht sfidave dhe vështirësive që mund të kapërcehen vetëm me dialog e bashkëpunim, integrimi europian është e vetmja rrugë përpara.
Prania e saj në Samitin e Brdo-Brijuni, tregues i rëndësisë që BE i jep bashkëpunimit rajonal”.
