Gërmat e “Teatrit Kombëtar” u vendosën dje nga Aleanca për Mbrojtjen e Teatrit dhe dhjetëra qytetarë, pasi u hoqën më parë natën e 26 prillit.
Por, menjëherë nisi mbledhja e fondeve nga Aleanca për Mbrojtjen e Teatrit, duke mundësuar shumën e nevojshme për blerjen dhe rikthimin e gërmave te teatri.
Lidhur me rastin ka reaguar edhe ish-eurodeputetja dhe raportuesja për Shqipërinë, Doris Pack që vlerëson rivënien e shkronjave të Teatrit Kombëtar.
Nëpërmjet një statusi dhe një komenti në Twitter ajo ka kritikuar ashpër politikën drejtuese dhe ka përgëzuar veprimin e drejtë të shoqërisë civile.
“Shumë mirë. Kjo është përgjigja e duhur për aktin idiot të politikës drejtuese”, shkruan në Twitter Doris Pack.
