Një aksident rrugor është shënuar mëngjesin e sotëm në aksin Gjirokastër-Tepelenë ku për pasojë janë plagosur tre persona.
Aksidenti ka ndodhur rreth orës 07:30 të kthesa pranë Liqenit të Viroit. Makina tip ‘Renault’ me targa ‘AA 129 VI’ me të cilën po udhëtonin shoferi dhe dy pasagjerët ka dalë nga rruga duke u përmbysur.
Të plagosurit janë transportuar në spital për të marrë shërbim mjekësor.
Sipas informacioneve paraprake, dyshohet se shkak i aksidentit është bërë shpejtësia dhe lagështira në rrugë.
Ndërkohë grupi hetimor ka mbërritur në vendngjarje dhe po punojnë për zbardhjen e plotë të rrethanave të aksidentit.
