Ka nisur aksioni i opozitës për bllokimin e akseve kryesore kombëtare në 12 qarqet e vendit.
Kryetari i Partisë Demokratike, Lulzim Basha i është bashkuar simpatizantëve të PD-së në mbikalimin e Bradasheshit në Elbasan, ndërsa kryetarja e LSI Monika Kryemadhi është në Durrës në rrethrrotullimin e Plepave.
Ndër të tjera, kreu i demokratëve Lulzim Basha, përmes një postimi në “Facebook” shkruan se beteja e nisur nga opozita e bashkuar nuk ka kthim.
“Beteja që ka nisur është pa kthim. Historia do tregojë se kjo betejë do të përfundojë me shporrjen e qeverisë së krimit dhe triumfin e vlerave europiane. E ardhmja e shqiptarëve është Europa”, shkruan Basha.
