Temperaturat e ftohta ‘vrasin’ shijen që ka domatja. Në këtë përfundim kanë arritur kërkuesit, të cilët thonë se domantet nuk duhet të ruhen në temperaturat nën 12 gradë, pasi i ftohti ndërhyn te enzimat që i japin shijen karakteristike.
Grupi i studiuesve të universitetit të Floridas, ka konservuar disa varietete domatesh në 5 gradë, duke i parë pas 1, 3 dhe 7 ditësh. Pas kësaj periudhe konservimi, domatet u zhvendosën në një ambient me temperaturë 20 gradë.
U pa që shija e domateve, gjatë kohës që kishin ndenjur në vend të ftohtë, kishte ndryshuar në masën 65%, ndërsa në tre ditët e tjera nuk kishte ndryshuar më.
