Kreu i Partisë Demokratike Lulzim Basha, ka uruar besimtarët Ortodoksë për Festën e Pashkëve. Basha përcjell urimet me frazën e lashtë “Krishti u ngjall!”, “Vërtet u ngjall!”.
“Këtë të dielë, teksa besimtarët ortodoksë i drejtohen njëri-tjetrit me urimin e lashtë “Krishti u ngjall!” “Vërtet u ngjall!”, ju uroj nga zemra secilit prej tyre: të dashur miq, vëllezër dhe motra Gëzuar Pashkën!”
Kreu i demokratëve e mbyll urimin e tij me bekimin që “Zoti t’i bekojë shqiptarët”.
“Për shumë vjet gëzuar këtë festë të shenjtë që kremton triumfin e jetës mbi vdekjen, të shpresës dhe dritës mbi të keqen dhe errësirën, të së drejtës dhe të vërtetës mbi padrejtësinë, babëzinë dhe injorancën!
Zoti i bekoftë shqiptarët! Zoti e bekoftë Shqipërinë!”
