Një incident ka ndodhur gjatë kohës që zhvillohej protesta, ku policia ka dhunuar gazetarin Nikollë Lesi.
Ky i fundit, në një lidhje telefonike me News 24, sqaron se ka qenë duke shkuar në zyrën e tij, kur është ndaluar nga forcat Shqiponja dhe Policia. Sipas tij, ata e kanë ndaluar dy herë, ndërsa i kanë thënë se duhej të kthehej, ose do ta çonin në komisariat.
“Isha në makinë, doli makina te repart shqiponja, më ta kthehu. U ktheva, makinat e tjera kalonin. Kalova nga ura e Lanës për të shkua në zyrën time si gazetar për të ndjekur protestën. Më dolën para forcat shqiponja, policë.
Iu thashë jam gazetar, drejtoj gazetën “Koha jonë”, më thanë kthehu ose shkojmë në komisariatit. Më rrethuan për të më çuar në komisariat.
Nuk mund të them e urdhëroi x-i apo y-i, por mund të them që është një frymë jo e mirë, jo korrekte që vjen nga lart nga kryeministri.
Fryma që është përhapur nga lart nuk është e mirë për gazetarët. Unë jam një gazetar i lirë”, tha Lesi duke sqaruar incidentin./ Tirana Today
