Një çift bashkëshortësh janë plagosur si pasojë e një aksidenti që ka ndodhur pak minuta më parë, në segmentin rrugor Korçë-Ersekë.
Sipas informacioneve paraprake, një automjet ka përplasur një motor në dalje të qytetit të Korçë.
Mësohet se në motor ndodheshin një burrë dhe një grua, të cilët kanë mbetur të plagosur, njëri prej tyre në gjendje të rëndë shëndetësore.
Policia dhe ambulanca kanë mbërritur në vendngjarje, ku të plagosurit janë dërguar menjëherë në spital.
