Një supermikrob rezistent ndaj antibiotikëve po kërcënon shtete të ndryshme të botës. Bakteri misterioz shkakton vdekjen brenda 90 ditëve.
Nga ky mikrob janë infektuar rreth 3,400 pacientë. Fillimisht u identifikua në Japoni tek një grua 70-vjeçare, mikrobi njihet me emrin “Kandida Auris” dhe u izolua në qytetin e Nju-Jorkut majin e kaluar, kur një pacient në moshë të thyer u paraqit për një ndërhyrje kirurgjikale në stomak.
Pas kryerjes së analizave mjekët njoftuan se gjaku i tij ishte infektuar nga bakteri misterioz duke shkaktuar edhe vdekjen e pacientit pas tre muajsh.
Ajo çfarë shqetësoi doktorët ishte se edhe pas vdekjes në dhomën e pacientit çdo objekt ishte infektuar nga mikroorganizmat e dëmshëm, duke nisur nga pajisjet elektronike deri te muret dhe dritaret.
Ndërkohë spitalit i’u desh të përdorte aparatura të veçanta për të shkulur një pjesë të tavanit dhe dyshemesë. Pacientë të infektuar me bakterin “Kandida Auris” janë raportuar edhe në shtetet si Venezuela, Spanja, Britania e Madhe, India dhe Afrika e Jugut.
Në 98% të rasteve, bakteri ka shfaqur imunitet ndaj medikamenteve që përdoren për trajtimin e infeksioneve mykotike, që mendohet të jetë pasojë e mbipërdorimit të antibiotikëve nga ana e pacientëve.
Ky infeksion është shumë i vështirë për t’u kuruar, prek më tepër foshnjat dhe të moshuarit, pra personat me imunitet të dobët.