Eksperti Fiskal, Eduart Sharka ka deklaruar se skema e kompensimit për fermerët urdhëron me ligj një operator në treg, siç është grumbulluesi i qumështit apo i verës, t’ia japi shteti nga fondet e veta.
I ftuar në emisionin “Ekopolitikë”, Sharka thekson se kjo skemë duhet rishikuar, pasi sipas tij është antikushtetuese.
“Për perimet është atrofizuar komplet zinxhiri i distribuimit nga fermeri tek konsumatori në tregun e brendshëm ka kaluar në informalitet.
Mishi, vaji i ullit në tetor, rrushi, i bie që ta blejë. Kemi konfondim të skemës së kompensimit me TVSH-në. Është i vetmi vend, mund të jetë specifike po ai 6% që ne themi e blem me 6 dhe e shesim me 20 dhe është diferenca 14, në vetëvete nuk është TVSH.
Ai është një subvencionim që shteti kërkon t’ia japi fermerit, por në një skemë antikushtetuese. Sepse është në shkelje të së drejtës së operatorit në treg.
Në vetëvete skema e kompensimit është që shteti urdhëron me ligj një operator në treg siç është grumbulluesi i qumshtit, apo verës t’i japi për shtetit nga fondet e veta. Kjo duhet parë sepse është antikushtetuese”, deklaroi Sharka.
