Kryetarja e Bashkisë së Prrenjasit, Miranda Rira, pak ditë më parë është bërë sërish nënë. Ajo ka sjellë në jetë vajzën e saj të dytë, dhe së bashku me bashkëshortin kanë vendosur ta quajnë Gaia.
Miranda është gjithashtu nënë edhe e një tjetër vajze të quajtur Livia. Që prej zgjedhjeve të qershorit të 2015-ës, drejton Bashkinë e qytetit të Prrenjasit.
Ajo ka shfrytëzuar rrjetin social Facebook, për të përcjellë lajmin e bukur, ndërsa e ka shoqëruar me një foto. “E bekuar nga Perëndia, me nje princeshë tjetër”! E quajtëm GAIA, sipas perëndeshës së tokës. Ajo erdhi fshehurazi, si një rreze dielli dhe na mbushi zemrat dhe jetën tonë, me paqe dhe mirësi, në ditët e zhurmshme të Marsit! Faleminderit miqtë e mi, të afërm, të njohur, qytetarë të Prrenjasit për urimet tuaja dhe ndjesë që s’kam arritur t’ju përgjigjem! Uroj më të mirat për secilin prej jush, dhe ju përqafoj fort!”.
