Një aksident i rëndë me pasojë vdekjen e një personi ka ndodhur pasditen e sotme në Velipojë.
Mësohet se një makinë me drejtues shtetasin M.L, ka përplasur për vdekje këmbësorin me iniciale B.B, 40 vjeç, banues në Velipojë.
Këmbësori ka ndërruar jetë rrugës për në spital, ndërsa policia ka ndaluar drejtuesin e mjetit.
Sipas policisë, grupi hetimor ndodhet në vendngjarje.
Njoftimi i policisë:
Me date 21.03.2019 rreth orës 18:50, jemi njoftuar se në plazh Velipojë, mjeti tip Benz me drejtues shtetasin M. L. banues në Velipojë, ka aksidentuar me pasoje vdekje shtetasin B. B. vjeç 40, banues Velipoje.
Drejtuesi i mjetit do shoqërohet për në ambjentet e Drejtorisë Vendore të Policisë Shkodër për veprime të mëtejshme.
Në vendgjarje ndodhet grupi hetimor dhe po punohet për sqarimin e rrethanave të aksidentit.
