Pak ditë më parë emri i presidentit të skuadrës së Kukësit, Safet Gjici si një ndër personat e përmendur në dosjen 339 që kishte sponsorizuar blerjen e votave për PS-në. Ndërsa ditën e sotme është zëdhënësja e Partisë Demokratike, Ina Zhupa që denoncon një skandal tjetër në radhët e qeverisë Rama.
Përmes një postimi në faqen e saj të “Facebook”, Zhupa akuzon drejtorin e OSSHE në qytetin e Burrelit, Agron Malaj, për dhënien e një tenderi të paracaktuar dhe pa garë, Euro Gjici Security shpk, një kompani që sipas zëdhënëses së PD-së i përket Safet Gjicit.
“Kryetari i PS Burrel njëkohësisht Drejtor i OSSHE për këtë qytet jep tenderin e paracaktuar, pa garë, EuroGjici Security shpk, kompanisë de facto te Safet Gjicit.
Postet politike dhe postet e administratës janë njësuar në Burrel si edhe në gjithë Shqipërinë ku funksionarët e PS janë edhe drejtor të rëndësishëm. E gjitha kjo reflektohet edhe në tenderat dhe mënyrën e tyre të punës, ku i përzgjedhuri i radhës për të marr tenderin pa garë, me ofertën limit është ish kandidati për deputet dhe eksponenti i PS Safet Gjici.”-shkruan Zhupa.
Postimi i plotë:
Kryetari i PS Burrel njëkohësisht Drejtor i OSSHE për këte qytet jep tenderin e paracaktuar, pa garë, EuroGjici Security shpk, kompanisë de facto te Safet Gjicit.
Postet politike dhe postet e administrates janë njëhsuar në Burrel si edhe në gjithë Shqiperinë ku funksionaret e PS janë edhe drejtor të rëndesishëm. E gjitha kjo reflektohet edhe në tenderat dhe mënyrën e tyre të punës, ku i përzgjedhuri i rradhës për të marr tenderin pa garë, me oferten limit është ish kandidati për deputet dhe eksponenti i PS Safet Gjici.
Drejtoria e OSHEE Burrel e drejtuar nga drejtori z. Agron Malaj, konkretisht ka kërkuar të blej për 2 vite shërbimin e ruatjtjes fizike, me 21 Janar 2019 , ka zhvilluar procedurën e prokurimit me objekt “Shërbim Sigurie për Ruajtjen fizike të ndërtesave dhe aseteve të Drejtorisë OSHEE sh.a, Burrel” me vlerë fondi limit të parashikuar 63 . 828 . 244 lekë ( rreth 640 milion lek).
Me datë 26 shkurt 2019 “Eurogjici-Security sh.p.k “ shpallet fituese e tenderit me një vlerë pranë kufirit limit prej 63,825,985 Lek , ku pjesëmarrëse fiktive është dhe kommpania “NAZERI – 2000” e cila nuk ka paraqitur asnjë ofertë ekonomike.
Kjo është menyra sesi Rilindja menaxhon parate e shqiptarëve, duke i dhënë në duart e funksionareve të saj, të cilat pastaj i menaxhojnë edhe blerjen e votave gjatë fushatave elektorale.
Ky sistem i kalbur në cdo qelizë, rrëzohet dhe ndryshohet vetëm nga qytetaret. Te gjithë bashkë me 16 Mars!
