280 pasagjerë kanë qëndruar rreth 3 orë në det të hapur, si pasojë e detit të trazuar dhe me dallgë. I referohemi tragetit të linjës Durrës-Bari, i cili rreth orës 03:00 ka shfaqur një defekt. Deri në riparimin e tij, pasagjerët kanë qëndruar në det të hapur.
Trageti ishte nisur drejt portit të Durrësit, por si pasojë edhe e erërave të forta, është rikthyer sërish drejt portit italian.
Guardia di Finanza dhe roja bregdetare italiane kanë qënë në gadishmëri, për të ndërhyrë në rast rrezik mbytjeje.
Rreth orës 06:00 të mëngjesit, trageti është nisur pas riparimit të defektit. Pritet që trageti të ankorohet në orën 16:00 në portin e Durrësit, me 280 pasagjerët dhe 40 automjetet që gjenden në të.
