Deputeti i LSI-së, Përparim Spahiu ka reaguar në mënyrë të ashpër ndaj deklaratave të Knut Fleckenstein lidhur me vendimin e opozitës për djegien e mandateve.
Fleckenstein u shpreh i zhgënjyer për djegien e mandateve nga opozitarët, ndërsa deputeti i LSI-së e sulmon teksa thotë se gjatë kohës kur zoti Knut ishte monitorues për Shqipërinë, këtu ndodhën krizat më të rënda, politike, ekonomike dhe sociale.
“Knuti, të rrijë pa merak, se nuk kemi nevojë më për të dhe shërbimet e tij të dështuara ndërmjetësuese”, shkruan ndër të tjera deputeti.
STATUSI I PLOTË
Për shokun Knut!
—–
Knuti, të rrijë pa merak, se nuk kemi nevojë më për të dhe shërbimet e tij të dështuara ndërmjetësuese.
Gjatë gjithë mandatit të tij si monitorues i Parlmentit Europian për Shqipërinë, ndodhën krizat më të rënda politike, ekonomike e sociale.
Koha e shërbimit të tij përkoi me kanabizimin e vendit, trafikun e drogës, krizat politike të dekriminizimit dhe çadrës. Në asnjërën prej këtyre krizave, Knuti, nuk na dha as ndihmë e as foli një fjalë.
Tani, në fund të mandatit të tij, e falenderojmë për kontributin e pasuksesshëm
BE dhe perëndimi është më i madh se rroga e Knutit..!!!
