Kryemadhi ka folur para protestuesve lidhur me vendimin e opozitës për djegien e mandateve. Teksa ka kërkuar largimin e Ramës, Kryemadhi tha se mandatet do të digjen për të bërë paktin për shtetin për të ndërtuar shtetin.
Fjala e Kryemadhit:
Në çdo vend të Evropës apo Amerikës çdo vend demokrat nëse një kryeministër apo një deputet apo një kongresmen do faktohej nga Prokuroria me fakte, që votat janë blerë me paratë e kartelët së drogës, jo vetëm që do të ishin në burg, por të ishit të bindur se do kishin djegur çdo cep të institucioneve të narkoshtetit. Prandaj djegia e mandateve tona s’ka të bëjë me pozicionet politike por me fundin e tranzicionit. Mandatet tona do të digjen për të bërë paktin për shtetin për të ndërtuar shtetin, institucionet që mos të guxojë më njeri që të vijë në pushtet me paratë e krimit me paratë e drogës, me gjakun e shqiptarëve. Ne japin fjalon sot, Nuk ka më kthim pas!
Rama ka ikur, po të ishte i fortë, ai do të ishte në atë sallë. Nuk do përfundonte si një frikacak që fshihet mes frikave. Një njeri nuk mund të mbajë në dorë të ardhmen e shqiptarëve. Secili nga ne ka një mision, të largojmë krimin, të ndajmë politikën nga droga dhe t’u rikthejmë Shqipërinë shqiptarëve. Dhe të kthejmë ata 400 mijë shqiptarë që Edi Rama i largoi.
