Edhe Ambasada Britanike në Tiranë ka reaguar lidhur me tensionin e krijuar sot gjatë protestës.
Në një postim në Facebook, ambasada mbështet të gjitha palët që bëjnë thirrje për protestë paqësore, ndërsa kërkon të respektohet zbatimi i ligjit.
“Ne mbështesim të gjitha palët që bëjnë thirrje për protestë paqësore. Është koha të respektohet zbatimi i ligjit”, përfundon ambasada.
Edhe OSBE ka reaguar ku bën thirrje për përmbajtje, ndërsa shton se nxitësit dhe autorët e dhunës do të mbajnë përgjegjësi për incidentet e sotme.
Reagimi i plotë i OSBE:
Prezenca e OSBE-së bën thirrje për përmbajtje nga çdo akt dhune i mëtejshëm kundër kryeministrisë dhe çdo lloj prone publike apo private. Përshkallëzimi i dhunës së rrugës sot përbën një shkelje të parimeve të protestës demokratike paqësore.
Nxitësit dhe autorët e dhunës mbajnë përgjegjësi për incidentet e sotme.
Ne do të vijojmë të mbështetim të gjitha aktet e protestës demokratike dhe paqësore, si pjesë e përkrahjes sonë të palëkundur për demokracinë në Shqipëri.
Prezenca e OSBE-së bën thirrje për përmbajtje nga çdo akt dhune i mëtejshëm kundër kryeministrisë dhe çdo lloj prone publike apo private. Përshkallëzimi i dhunës së rrugës sot përbën një shkelje të parimeve të protestës demokratike paqësore. 1/2
— OSCE PresenceAlbania (@OSCEinAlbania) February 16, 2019
